自己練習追到浪是十分開心，但追唔到浪又十分灰心。
岩岩開始衝浪既時候，最大既難題就係自己睇浪追浪完成一道浪。好多人覺得自己划水划得唔夠快， 要練多d游水做多d gym。游水游得快， 肌肉力量夠當然有幫助，但係並唔代表一定追到浪。 因為海浪形狀，風， 浪既方向， 時機， 划水姿勢， 位置等等都會影響你追浪，了解自己問題同時更要了解海洋既訊息。 因為當你了解海浪， 追浪就變得很輕鬆， 划幾下就上到浪。
衝浪易學難精， 滑浪呢個運動千變萬化， 就算係同一個地點衝浪，每次個浪都唔同， 潮漲潮退，大浪細浪，有風無風， 基本上每次衝既浪都唔同。每次練習都要花時間適應，更需要無比毅力同堅持， 內心都要強大，唔可以咁易放棄。
上堂教練會令你更了解明白成個過程， 加快你追到浪既成功率， 但上完堂要自己練習先會進步最快！一開頭練習可以每次都比個小目標自己， 比如說要練習追浪既話， 個目標係起碼要衝到一個浪先， 達成目標之後衝到既浪就係 bonus啦， 唔好比咁大壓力自己， 始終一開始愛上衝浪都係想享受係大海無驅無束的感覺。練多點之後就可以由衝到一個浪到衝到n個浪， 已經唔會計住又或者已經練習緊其他skills。
總之滑浪一定要持之而行， 懷著一顆不放棄的心，慢慢就會進步， 可以自由自在地係海上奔馳。不用與別人比較， 跟自己的步伐走就好了。
